د. لارا برقان في يوم الصيدلة العالمي: دراسة الصيدلة اهم وأجمل مرحلة في حياتي
كتبت الزميلة د. لارا برقان على صفحتها الشخصية الفيس بوك:
كل عام و جميع الصيدلانيات و الصيادلة بالف خير ?⚕️?⚕️??
صباحكم صيدلي يا صيدلي ??
أنا و الصيدلة عشقي ❤️??
“ما فيه اجمل انه الواحد يحقق حلمه? و يدرس المهنة الي بحبها”
لما خلصت توجيهي و كالعادة بابا الله يرحمه بده اياني ادرس طب اسنان لانه اختي الكبيرة بتدرس طب فدوري يكون الاسنان?♀️? ? و طبعا عمري كان ١٧ سنة ( كنت فلته ايامها??) فدخلت الاسنان? بدون رغبة و معاناة?? لمدة سنتين و انا بحاول احبها? و لكن جاءت لحظة الحسم ?✌?لما قررت احول للتخصص الي بحبه و الي امنيتي انه اكون صيدلية قصدي صيدلانية?? ??
و فعلا بعد معاناة بين الكليات و التسجيل حولت لصيدلة على الرغم معدل القبول الصيدلة اقل .. المهم حولت ووقتها كانت اكبر و اجمل و اهم مرحلة بحياتي …. ييييي بدّي اكون صيدلانية و افتح صيدلية??? و الحمدلله اتخرجت بثلات سنين و نصف الصيدلة بعد معادلة سنة واحدة من الاسنان ??( بعني اربع و نص)
و بهيك صرت الصيدلانية لارا نبيل برقان رسمياً
اجمل و احلى شعور لما فتحت صيدليتي الخاصة ( بيت الشفاء) عشان كل واحد مريض يدخلها ينال الشفاء و العافية و تكون بيت لأصدقائي و أصحابي و لكل مريض بيراجعني .
قد ما لفيت و اشتغلت هون و هناك و سافرت امريكا و كندا و أوروبا و حضرت مؤتمرات و اخدت وكالات ما فيه اجمل
من وقفتي وراء الكاونتر بصيدليتي اصرف وصفة لمريض و اشرحله عن الدواء او اعطي ابرة او اخزق دان بيبة جديدة او اسمع دعوة من ختيارة ( الله يوفقك يا ميمتي الدواء الي اعطيته الي ما فيه احسن منه ) او مريض حامل وصفة و لاف فيها ما حدا قادر يقرا الوصفة ??، شعور بالرضا لما ترجعلي مريضة أشترت من عندي ابر للحمل بعد علاج لسنين و جايبة معها الفحص و تقول الي وجهك حلو علي لما اخدت الادوية من عندك ?هادا حلوان طلعت حامل ??????
و لا اجمل من مريض بيراجعني لليوم بيشكي من امراض نفسية ما كنت بس اصرف اله الدواء كنت اقعد معه بالساعات ليرتاح و هلا كمل دراسته و بيشتغل و لِسَّه بيزورني .
و كلشي كوم لما يجي عندي مدمن ?♀️حل من اثنين يا اما بعمل حالي مو عارفة الدواء و ما عندي و بعتذر اله بأدب ( و طبعا هادا الحل العقلاني الصح ) و الحل الثاني بعمله اكشن و بياكل قتلة ????و هادا ياما صار ??( فشة غل) ?? 911 ?✈️?✈️
و طبعا ما بنسى مناكفاتي و هوشاتي مع اصدقائي و زملايي من المندوبين ياما اتهاوشت معهم بس ما بيقدروا يزعلوا مني و لا بهون عليهم زعلي ?و الدليل راح اشوف تعليقاتهم على البوست ??
صيدليتي❤️ بهرب الها و بعيش فيها اجمل و احلى شعور بينوصف مع ناسي و اهلي الي صاروا جزء مني ومن صيدليتي غير انها ذكرياتي فيها بكل شبر مع بابا الله يرحمه ??
ما عندي غيرها و ما الي الا هي .. “#بيت_الشفاء”
و طبعاً من كتر نشاطاتي ( الله يحميني على قولة حازم ???) قد ما بلف برجعلها ما بلقى فيها الا الراحة? و فنجان القهوة ☕️
يعني باختصار الصيدلي ?⚕️?⚕️خبير الاول بالدواء و تركيبته .. مستشارك النفسي و العاطفي و الزوجي و الصحي و التجميلي و الغذائي … يعني all in one ?
و #نسيت أحكيلكم كتير عرسان?? اجوني عن طريق الصيدلية و اغلب البنات الي اشتغلوا اتجوزوا عن طريق الصيدلية ???( يعني رجلي خضراء على الصبايا )
?#ملاحظة مهمة جداً جداً … مطعوم الانفلزنوا متوفر بالصيدلية ?
#الصيدلي_مستشارك
#صيدلية_بيت_الشفاء
#صيدلانية_و_أفتخر ??
#يوم_الصيدلاني_العالمي
#Proud_to_pharmacist✌???⚕️?⚕️?
#Happy_world_Pharmacist_Day
#Sep_25_2019
إحنا المستقبل
صيدلية بيت الشفاء
بعدسة المبدع Ashraf Zghoul
