د. عمرو النجار يكتب: أكبر خطر على مهنة الصيدلة في الأردن !!.. مش كورونا ولا الدخلاء !!!

أكبر خطر عليها

هو “أنت” شخصيا 💁🏻‍♂️

طب ليه؟

عشان ما نلف وندور

لأنك ماخد فكرة

انه الذكاء الاصطناعي 🤖
رح يوخذ وظيفتك ويحل محلك

هاد الحكي 90% منه تهويل

لكن الـ 10% الباقية حقيقية

وحقيقية لدرجة بتخوف 🫣
..

الحقيقة مش انه الـ AI رح يستبدلك أبدا

الحقيقة انه

صيدلي محترف بيستخدم الـ AI
هو اللي رح يستبدلك 😁

بس الحمد لله انه مش الـAi
..

خليني أوضحلك 3 نقاط كثير بتهمك
إذا مش حابب تندم لقدام 😉

👈🏻 أول وأهم نقطة

انه التهديد والخطر اللي بتفكرهم
مش رجل آلي بيوقف مكانك بالصيدلية

الخطر هو انه كل المهام اللي بتكرهها
وبتاخذ 70% من وقتك

الجرد، متابعة الطلبيات،
الإدخال، البحث عن النواقص
وغيرهم كثير

رح تصير تتم بـ 3 ثواني بكبسة زر
عند منافسك اللي تبنى التكنولوجيا

واللي موجود جزء منه الآن أصلا 👻

بينما أنت لسة غرقان بالورق

منافسك بيكون عم بيقدم

استشارة حقيقية للمريض
وبيبني علاقة معه
وبيوصلله قيمة

وهاي الأشياء الروبوت ما بيقدر يعملها ❌

= يعني التهديد مش البطالة

التهديد هو إنك تصير منفصل عن الواقع
وتركز على أشياء بقدر الروبوت يعملها

وتترك مكانك الحقيقي 🤦🏻‍♂️
..

👈🏻 والثانية

انه كل ساعة بتقضيها في مهمة روتينية مملة

هي فعليا “ضريبة جهل”
أنت بتدفعها من وقتك وصحتك
ومستقبلا هتدفعها من رأس مالك

كل مرة بتحكي “ما في وقت أتعلم”
هيك بتضمن انك رح تظل تدفع هاي الضريبة للأبد 🤦🏻‍♂️

الـ AI مش رفاهية
الـAi هو الأداة الوحيدة
اللي رح تحررك من سجن الروتين

وتخليك تركز على اللي درسته
ودرست وتعبت 5 و 6 سنين عشانه = “الإنسان” 💁🏻‍♂️
..

👈🏻 ثالث نقطة كلنا سمعنا فيها = شركة نوكيا 😬

المثال اللي دايما بتسمعه بكل محاضرات التسويق

بتتذكروا لما نوكيا حكت

شو هالحكي الفاضي؟
أكيد ما حدا رح يشتري تلفون تاتش 😏

ولأنه التاريخ بيعيد نفسه

اليوم الصيدلي اللي بيحكي
شو بدي بالذكاء الاصطناعي
هاد حكي فاضي ومين محتاجه أساسا؟

قاعد بيكرر نفس الغلطة التاريخية بحذافيرها 🤦🏻‍♂️

العالم بيتغير بسرعة مرعبة

وإحنا كصيادلة عنا خيارين

يا نكون الـ iPhone
يا نكون الـ Nokia

ما في خيار ثالث ❌

السؤال مش
هل الـ AI رح يوصل الأردن؟

السؤال هو

لما يوصل هل رح تكون أنت اللي بتقوده
ولا اللي بينداس عليه؟
..

شاركني رأيك بالتعليقات 👇🏻🔻

شو أكبر خوف عندك من الذكاء الاصطناعي في مهنتنا؟

بلكي طلع خوفك أصلا مش حقيقي
وتكون مضيع عحالك كثير فرص 🤷🏻‍♂️