د. عبدالله العبهري للصيادلة؛ 5 اشخاص سيتحكمون بالمهنة اذا بقيتم متفرجين !!!
كتب الناشط النقابي د.عبدالله العبهري على الفيسبوك:
عدد المنتسبين للنقابة ٢٥٠٠٠ صيدلي …
عدد اللي بشاركوا بالإنتخابات ٢٥٠٠ تقريبا …..
١٠% هم من يحددون مستقبل المهنة ….
الخلاصة …
بكفي نندب حظنا …. لانه احنا اللي حولناها لنقابة بلا فائدة …
احنا اللي سمحنا بتسليمها لمجموعة (الحرس القديم) ومن ورثهم ليستفيد اغلبهم منها وما يستفيد غيرهم …
احنا اللي حولناها لنقابة جباية وافرغناها من اهميتها ….
احنا اللي زرعنا براسنا فكرة انه في مجموعة ما حدا بيقدر ينافسهم بالإنتخابات … وهمه اللي بينجحوا وما حد بيقدر ينافسهم ….
كمان ١٠٠٠ زيادة بس يشاركوا …والتغيير اسهل ما يكون …..
قبل كل انتخابات بتصيروا مهمين واللقاءات والزيارات والمناسف بتكثر ودماغكم بينغسل وبصيروا يقنعوكم بالبطولات الوهمية والانجازات اللي بدها مجلدات …
بس على ارض الواقع ….المهنة نحو الأسوأ ….
من حق كل واحد يكون عنده صيدلية ومن حق الكل يتساوى بالفرص …. لكن احنا اليوم اللي بشتغل بسلسلة او صيدلية براتب متواضع قاعد بدافع عنها دفاع مستميت …بدل ما يطالب بحقه انه يكون اله صيدليته الخاصة ويعيش حياة كريمة ….
اذا ضليتوا هيك ببشركم بمستقبل رح تتحول فيه المهنة بيد ٥ اشخاص بالكثير …. وكلكم رح تكونوا موظفين برواتب متواضعة ….
اخيرا ….
الكرة بملعبكم وانتوا اللي بتغيروا والكم القرار …
2 Comments
كلام د.عبد الله مهم ، وهو صرخة اتمنى أن يسمعها الزملاء
والله لو ها النقابة بستلمها مين المهدي ما إصلاحها مهنة منتهية والصيدلة مهنة للي ما لو طموح وخد مثال لا يمكن تقتح كل الصيادلة صيدليات ولا يمكن يتغير شيء لان عدد الصيادلة بدو سكانوتشريع مهني وهذا مستحيل الحل انا انت قبل بالعبودية الصيدلانية اوتتركها مثلي طلاق لا رجعة فيه لأني ما اخدت منها شيء ودفعت كل شيء هذه هي مهنتك مقلب
Comments are closed.