د. مرام الحاج أحمد تقدّم بودكاست تثقيفي ” عن جد مع مرام “.. والحلقة الاولى مع أ.د. نانسي هاكوز – تفاصيل
كتبت الزميلة د. مرام الحاج أحمد على مواقع التواصل الاجتماعي:
أنا الصيدلانية مرام الحاج أحمد، بخبرة أكتر من 35 سنة في الصيدلة.
في الفترة الأخيرة، لاحظت قدّيش في معلومات مغلوطة بتنتشر على السوشال ميديا أو حتى بين الناس…
معلومات بتخص صحتنا، أدويتنا، مكملاتنا، وجمالنا
وكمان، مواضيع تانية كتير منسأل عنها كل يوم ومش دايمًا بنلاقي إلها جواب واضح.
من هون، حبيت أعمل بودكاست “عن جد! مع مرام” 🎧
بودكاست بنحكي فيه عن كل شي عليه تساؤل…
سواء طبي، صحي، أو حتى اجتماعي،
بس دايمًا مع أصحاب الاختصاص والمصادر الموثوقة.
رح نجاوب سوا على أسئلتكم اللي بتدور ببالكم كل يوم
هل عن جد؟ أو… مش عن جد؟
هذا هو بودكاست عن جد! مع مرام, ببساطة، بنحكي الصح وبس، وبنفنّد الإشاعات بمعلومة موثوقة وبأسلوب قريب من الناس من اصحاب الخبرة والاختصاص.
نحن بانتظار استفساراتكم واسئلتكم اللي حاببين تعرفوا أجوبتها عن جد من أصحاب الاختصاص في التعليقات
📅 انتظرونا كل يوم أربعاء بحلقة جديدة إبتداء من الأربعاء القادم وموضوع جديد،
لأن الوعي… هو أول خطوة للحماية.
رابط القناة على ال YouTube
https://youtube.com/@seriouslywithmaram?si=35zB3ctxaNOJgQGH
